الكلمة اللي تضايقنا نعديها = وإن جاتنا من سفيه العقل طنشنا
مادام نقدر نمشيها .. نمشيها = من خوف نبلش مع الجاهل ويبلشنا
لو كل عوجا تجينا نلتفت فيها = ماكان نمشي مع العالم ولاعشنا
وإنكان مالله هداها كيف نهديها = مافيه داعي نناقشها وتناقشنا
ناسٍ تخاشرك في مالك وتعطيها = ولاشبعت تقول : وش بفلان مدوشنا
ومهما تحاول جميع الناس ترضيها = لابد من يشكر أفعالك ومن يشنا
وأجرك على الله محيي الخلق ومفنيها = الأجر يبقى ويفنا كل ما حشنا
__________________
** ألا بــــذكــر الله تطمئن القــلوب **
|