[poem font="Simplified Arabic,6,royalblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
هاك كل القصيد إخذه مثل ماتبـــي = والله اني اغبط الخاطـــــر المستريح
كيف لاجيت بكتب أحـــــترق بلهبـي = شمعــة ماتحــس بعمـرها من تسيــح
كل شاعر ترى لو هو تشاطر غبي =يطرب الناس شعره وهو جروحه تصيح
خذ قصيــد بدا قبل يخــــط شنبـــي =يـــوم الايام كانت مثل ريضـــان شيـــح
آه ياليت تجمـــع بعـــثرة مكتبـــي = والله اني نويت أبني لشعري ضريــح
كم كتبت وكتبت ولا وصلت اطلبي =مدري العيب فيهم ؟اوبطبعي صريـــح
كن الايام برد وهالقصيد أحطبــــي =والاماني رماد وها التوافيق ريــــــــح
بدل الوقت شكلي ولاقوى مذهبي =وادري ان الاماني بـ هالزمن من صفيح
سهل ويا الصديق ..وللردي مصعبي = دون طيحــة خويي والله اني لطيــح
هيه يامن تفتش دفــتري..! وشتبــــي ؟=كل بيت يمــرك اعــرف انه جريـح
وكان ماكفاك شعري يخلف الله تعبي=مايخلد ويبقى الا القوي والصحيح
يالقصيــدة تثنــي ،واطربــي ،والعبـي =في زمان بوجه اللي هقى به شحيح
دامهــــا بالبدايــه والنهايــــه حَـــبـِّـي =لايغـرك قــوي العــود باكــر يطيـح[/poem]