يا صاح انا قلبى من الحـب مجـروح
جرح عطيب ما لقى لـه مـن يـداوي
لو ينشـرى قربـه شرينـاه بالـروح
مير البلا شوفـه غـدى بـه هقـاوي
اهل دمـع فـوق الاوجـان مسفـوح
على الذى مـا هـو بالغـدر نـاوي
انا ادرى انه مثلـي اليـوم مطـروح
لاشـك مـا يقـوى و لانـي بقـاوي
لولاي ادارى سر الاحبـاب لا ابـوح
و ابيـع بيعـة الهبـيـل الـفـداوي
لكنى اجحد فيـه عـن كـل مفضـوح
خوفي عليه من الحكـي و الدعـاوي
حسبي على اللى حط فى الدرب ساموح
العذيـل اللـي جـرّ كـل الـبـلاوي
مـن اول بـاب المواصيـل مفتـوح
يـوم ان عـذال الـمـودة خــلاوي
واليوم يسد الباب لوح(ن) علـى لـوح
و امسيت انا يا صـاح قلبـى شقـاوي
|