يامعدي المرقاب
يامعدي المرقاب خله لمشتاق
أنزل وخلْ معذب القلب يرقا
ياليت ربي ماخلق حب وفراق
والا خلق حبٍ على غير فرقا
(محمد السديري)
فراق و فراق
ماكنت افكر في فراقك دقيقه
لولا ان عقلي من سبات الهوى فاق
وشفت ان جمع الشمل ماله طريقه
ولاصار لي قدره على قهر الاشواق
ونور الامل في الوصل يفقد بريقه
ودايم وحنا باالاسم بس عشاق
اظهر لي الواقع ومر الحقيقه
كلش يقول افراق وافراق وافراق
(سعود بن بندر)
ساعدني
كانك على قولك تمنى لي الخير
ساعدني أنسى حبك اللي خذاني
خلي حياتي تنقلب كلها غير
وانسى الحبايب والزمن والمكاني
حبي لك أبلغ من كل الأساطير
ما له بقاموس الهوى وصف ثاني
لا شك أنا أشعر بالنهاية وش تصير
واحسب حساب فراقنا بالثواني
(سعود بن بندر)
|