عرض مشاركة واحدة
قديم 03-04-2012, 06:54 PM   #47
بعيد الهقاوي1
متداول فعّال
 
تاريخ التسجيل: Mar 2012
المشاركات: 228

 
افتراضي

أثر الليالي عاد غايب قمرها

مع شوفته نشوه و فزّه و تخدير
و عيون خلاّن(ن) تعانق نظرها

يفزّ له قلبي كما فزّة الطير
و الرجل كن اللي تحتها غدرها

يا صبح عمري يا صباح التباشير
نوره ملا قلبي و روحي غمرها

عقب الفراق اللي تعدّى المحاذير
يبّس غصون القلب جافي دهرها

ربّع بـروحي عقب ماهي معاسير
سحابة(ن) هلّت بقلبي مطرها

و اسقَى بها زرعة هوانا بتقدير
غرسة غرام(ن) بالمحبه بذرها

يا عاذلين العين والله مخاسير
و اللي درَى عن حال عيني عذرها

تشوم عيني عن جميع الغنادير
و إن ناظرت عيني فوادي نهرها

يا ناس احبه و المحبه مقادير
هذا هوَى نفسي و هذا قدرها

و الحب ماله يا اهل الحب تفسير
قلبين و الله بالمحبه امرها

لا جيت اصوّر حالة الحب تصوير
و أرد عن حالي لخلّي خبرها

لقيت وجدي فوق كل التعابير
كل الشعر قطره و شوقي بحرها


غير موجود
بعيد الهقاوي1 غير متواجد حالياً   رد مع اقتباس