الموضوع: لا ضاق صدرك
عرض مشاركة واحدة
قديم 22-12-2012, 03:00 AM   #44
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

ورب الغيث عمر الارض ماخانت عرق فلاح
ولكن السنابل خانت الفلاح واغصانـي
وأنا يافاطمه يافاطمه يافاطمه لا لاح
صباح من الظلام المستباح وضوت اركانـي
أجي يافاطمه هاك البسيط المتعب المرتاح
واروح المستبد المستجير بظـل حرمانـي
تعبت براحتي مدري تنطحت التعب مرتاح
سهوت بسجدتي مدري سجدت بغفلة احزانـي
هنا يافاطمه واللي سقاك من السماح اقداح
اذرّ الشعر بعيون السهر وترمد اجفانـي
قصيدي ياصديقي ياقصيدي والغلا ذبّاح
عليك انك تذكرني بذنبه لين ينسانـي
سريتك مامعي غير الظلام وحسرة المصباح
ضويت ولاهقيّت انك تخيب هقوة العانـي
قصيدي والسهر موحش بدونه والدروب أشباح
دخيلك عدني لاول طريق الصبح وجفانـي
احبه كثر ماعطره بثوب الذاكره فواح
احبه كثر ماتنبش طيوفه جرح نسيانـي
احبه كثر مايزرع غيابه بالضنون رماح
كثر ماوحشته قامت تمخطر وسط شريانـي
احبه كثر ما ياما يقولون ان الجمل لاطاح
ترى المجني عليه اللي عليه يراضي الجانـي
وهنا يافاطمه واللي وهبك من دموع سلاح
شربت من الغرور ولارويت سطور وجدانـي
امانه لاغدت بين الفرج والصبر والمفتاح
انا من وين اضيع ليا بغيت اضيع وألقانـي

امبراطور الشعر
عبدالله هادي غير متواجد حالياً   رد مع اقتباس