أي والله أهوجس ولانيب مرتاح ..
والحزن في حوش الحنايا بفاروع
أمسيت من وصل المواليف مزّاح ..
.. وأصبحت من فرقا(المواليف) مـفـجـوووع
البارحه في غبّة الوصل سبّاح ..
.. واليوم من عرش المواصيل مخلوووع
يا صاحبي صرح الهوى والوفى طاح ..
.. والقلب كنّه من عراويه مقشوووع
كنت أحسب ان لحبّناعشرة ارواح!!
الين شفت الحبل بيديّ مقطوع
يوم العهدبه حدّه اسبوع لا راح ..
.. اسبوع ويعوّد علي شوق ودموع
واليوم خمس سنين والهم ما زاح ..
..(هم الفراق اللي بلاعذر مشروع)
استغفر الله تسعة شهور يا صاح ..
في غيبتك قمت احسب اليوم باسبوع؟!
ضاع الحساب وشفت( برق الجفا لاح)
وأيّست لولا ان الرجاء فيّ مزروع
العام خلّي يسمع القلب لاصاح ..
.. واليوم مهما صاح ماهوب مسموع
وحالي نحل والحال ماهوب منساح ..
( من كثر ما اضمى للمواصيل وآجوووع)
بليت فيمن دونه سيوف ورماح ..
.. وغدا علي وصله مثل حبّة الكوع
له منّي ان( سرّه) على الناس ما باح ..
ولي منّه ان الصدغصب بلا طوع