الموضوع: لا ضاق صدرك
عرض مشاركة واحدة
قديم 02-02-2014, 12:42 AM   #123
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

تصبح على خير ياحبري وقرطاسي
وتصبح على خير يا شعري وطاريها
اعياني الليل دخت وضاقت انفاسي
واتلفني التبغ يشعلني وطفيها
اتوسد الغم واتشره على انعاسي
واتلحف الهم وافكاري اخاويها
ذكرى تعن وتلوج وتملك احساسي
تستدرج الدمع من عيني وابكيها
من يوم غابت وانا مليت مجلاسي
في حجرتي ياعسى ربي يسويها
تنزف جروحي واعاني في زمن قاسي
وبعيون الايتام صورتها اراعيها
يا وين ابسلا وانا غرقان ليا راسي
في بركة الضيم والفرحه مخليها
هاذي حياتي وهاذي جملة اتعاسي
دنيا رمتني على سكة بلاويها
اعياني الوقت دخت وضاقت انفاسي
تصبح على خير ياشعري وطاريها




بدر الضمني
عبدالله هادي غير متواجد حالياً   رد مع اقتباس