[هترل]

بسم الله الرحمن الرحيم






اخر ابياتي .......

اتمنى تعجبكم ...






غنيت ياربعي على السامريه
يمكن تلد العين فيا عساها

صحت بعلو الصوت جات المنيه
وهادم اللذات روحي بغاها

ما شفت بين الناس في الحسن زيه
كل الوصايف والحلا من حلاها

ماكنها ورده وسط مزهريه
مالت ..مع النسمه تناثر شذاها

وسيوف شوقه من جروحي نديه
باقي الرماح المقبله .. واعناها

مذبوح مثل الهدي يوم الضحيه
خده على الرمضى يعاين سماها

والشوق يلعبي ضروفي رديه
اسرح مع الرعيان ادووج بحماها

راحت وخلت بين الاضلاع كيه
وجروح تنزف حزنها مع دماها

وقلبٍ .. تعنى من فراقه خويه
ضاقت به الدنيا عشيه ضحاها

ورمش عينه بين روحه وجيه
كل مالمح غيمه تهيض وجاها

وسلامتكم ..


اخوكم / هترل


تحياتي ،،