عرض مشاركة واحدة
قديم 01-11-2006, 06:10 PM   #45
اشراقة قلم
اشراقة قلم
 
تاريخ التسجيل: Feb 2006
المشاركات: 10,646

 
افتراضي

[moveo=right]مشاركة خاصة عن وضع سوقنا المزري ولا نقول إلا الحمد لله[/moveo]

[poem font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
بسم الله الرحمـن مبـدا كلامـي =سبحانـه المعبـود رب الأنامـي





فردٍ صمد محيي رميـم العظامـي=سبحانـه أرزاق الخلايـق كفلهـا






والثانيه صلوعلى صفـوة النـاس=محمد الشافـع والاريـاق يبّـاس





اللي وضع للحق منهج ونبـراس=نبراس يجلى عن عقـولٍ جهلها






والثالثه موجز عن السـوق كلّـه=يغنيك عن تفصيـل دقّـه وجلّـه





والورد يقطف لاستوى وقت حلـه=واٍن فات طيبه خاسر اللي حملهـا






لاجيت اصنّف سوقنا بين الاسواق=يحتارفكري بين صـادق وبـوّاق





أحدٍ مدح وأحدٍ قدح صارت أذواق=بس الحقيقه مابـه اللـي عقلهـا






عاينت واثر السوق كلـه ملخبـط=هوشه ودوشه بين حالم ومحبـط





واللي معـه رايٍ سديـد مربّـط=هذي هي الصوره وانا من نقلهـا






ماقلت شيٍّ ماحصـل وانتـم ادرى=أحدٍ سمع واحـدٍ بالاعيـان يقـرا





لكـن ماكـلٍّ بـذر صـار يـذرى=بعض المساري تخلف اللي دهلهـا






قالو عن التصحيح يانـاس قـادم=قلتـم كـلام للحقايـق يـصـادم





هذا كلام اللي لفى السـوق هـادم=إرجاف نـاسٍ خيّـب الله املهـا






مانسمع هروجٍ على الكبـد علّـه=اللي وِكَدْهـا تبغـي الربـح كلّـه





دام المؤشر فـوق مابـه مذلّـه=في سوق ابومتعب يقـوده فحلهـا






لين ابتدى التصحيح كشّر بالانياب=قلتم ترى راس السبب بيع ينساب





من دخْلِتَهْ للسوق عانينا الارهـاب=والله يجازي كـلّ نفـس بعملهـا






صنّاع سوقٍ طمْعته لقمـة الطيـر=من عقب ما جمّاز صاد الهواميـر





واعلن قرار الخمسه بساعة عصير=فوّت على الصنّاع صيـدة حجلهـا






قالو ترى الدعـوى معانـد وحنّـا=أقوى يجوز العيد مـن دون حنّـا





دقـوا جملكـم ليـن يبـدا يحنّـا=بعض الزمول اتنِخ من بطش اهلها






كـلٍ يقـرّب للضحايـا سكاكيـن=مافيه وسط السوق فقْري ومسكين





جماز ما تخفـى عليـه البراكيـن=لاثـارت بدخّـان غطّـى جبلهـا






نبغى النسـب دمٍّ حمـر لاتخضّـر=واضحك على اللي بالجرايد ينظّـر





ولاّ على اللي في قناتـه يحضّـر=ويقـول يـا ناديـن خابـر خللها






والله لانتـه خابـر ولانـت داري=ولاّانّـك الهامـور لكـن تـداري





السوق بيد اهل الحرافـه تـداري=حُبّالةٍ مـا صـادت اللـي حبلهـا






هذي دروسٍ مابها شـكٍّ وريـب=واللي عرف طبع الذيابه غدا ذيب





باكـر ينـادى ياكبيـر المعازيـب=ياعم لـك حاجـه ترانـي جملهـا






هذي خلاصة سوقنا دون تطبيـل=تجميع مع تصريف كلـه محابيـل





واللي دخلها ذاق منهـا الغرابيـل=وانشدعن اللي ذاق علقه واكلهـا[/poem]



* ** *


[poem font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياسلام الله على (مكه) و(طيبـه) و(الجماعـي) =عد وبلٍ هلـت مزونـه وأنـا عينـي تخيلـه


مرحبا (بالكهرب) إللي فز من مرقـده واعـي =شال حملٍ فوق حمله واضحـت حمولـه ثقيلـه



وش نرقع في ( الغذائي) صارت شقوقه وساعي =شف (لجين) اليوم شارد .. رافـعٍ بيـده شليلـه



ماذبحني ياجماعه غير( صـدقٍ) و(الصناعـي) =و(الزراعي) مانفعني صار طعمـه حنضليلـه



و( المواشي) في الصحاري تايهه من غير راعي =يا عسى ربـك يسهـل للمؤشـر مـن يشيلـه



المؤشر لانزل ياخـوي يكسـر لـي ذراعـي =والنسب يومـن توالـت زادت الحمـى مليلـه



حسبي الله ياجماعه راح مجهـودي وضاعـي =كل ما أملك راح لحظة مابقى .. غيـر الفشيلـه



ليت من هو قبل مده ( صفا) محفظتـه وباعـي =كانا أنا سالم .. وغانم .. ماغدت نفسـي عليلـه



والتشكي .. والتبكي .. عـارفٍ مافيـه داعـي =ليه انا امشي في الغداري مامعـي فيهـا دليلـه



مالقينـا مـن يجـاوب مالقينـا مـن يراعـي =ضاعت الطاسه وكلٍ ماعرف مـن هـو قبيلـه



ماسمعنا اللي يصوت ما سمعنـا اللـي يداعـي =مالقينـا فـي زمنـا فـارسٍ زبـن دخيـلـه



ياكثر من راح فيهـا علقـت هـم بالكراعـي =وكل شخصٍ طاح فيها مالقى إللي يرتكـي لـه



لاتعجـل فـي أمـورك لاتجيهـا بإندفـاعـي =التأكـد .. والتركـد .. مامثلهـا مـن وسيلـه



والمصيبه كـان حلـت مـا يغطيهـا قناعـي =ول ياحظ التعاسـه .. دنيتـي دايـم بخيلـه[/poem]


الشاعر : نايف العنزي
اشراقة قلم غير متواجد حالياً   رد مع اقتباس