عرض مشاركة واحدة
قديم 28-10-2006, 09:08 AM   #39
ضميان حبك"
فريق المتابعة اليومية
 
تاريخ التسجيل: Mar 2006
المشاركات: 1,885

 
افتراضي

يا صاحبي لا تشتكي لي من الوقت
......................................... هو فيه احد في وقتنا ما يعاني !!

كم مرةٍ ضاقت بوجهي .. ولا ضقت
......................................... تضيق .. لكن ما تضيق المحاني

وكم مرةٍ كنـّي بحزني تفرقت
......................................... على الشوارع والشجر والمباني

ياما على حبل الأماني تعلقت
......................................... وياما انقطع بي .. ما قطعت الأماني

من كثر ما كذبت الأحلام صدقت :
......................................... إن التعب بحرٍ بليا موانـــــي

ومن كثر ما طاحت دموعي توّرقت
......................................... شعر ومواويل وجروح وأغاني !

وان جيت لأيامي بتلقاني اشتقت
......................................... ألقى مكاني مثل ماهو مكاني

والله لو في وجهي احيان دققت
......................................... في ضحكتي بتشوف طعنة زماني

لكن لأنه في النهاية هو : الوقت
......................................... تعال نضحك ... كننا ما نعاني
ضميان حبك" غير متواجد حالياً   رد مع اقتباس