اقتباس:
|
المشاركة الأصلية كتبت بواسطة ابوعبدالله616
وراك تتحسب علي الله يهدينا وياك...وانا ماقلت ان السهم بيوصل الى 3 خانات اللي قالها معروف ولايحتاج نذكره...
وانا كلامي واضح بالنسبه لي انا مستثمر والى ان يشاء الله لثقتي بالله ومن ثم الشركه ومشاريعها...
لكن يوم انك شفت السهم وصل 80 او 70 او 60 وراك مابعت والا تبيني او تبي اي واحد يفكر عنك؟؟؟؟ ليه انت سفيه علشان الواحد يفكر عنك..
وانا موجود كل يوم تلقاني مع الاخوان بالمتابعه واي واحد من الزملاء القدامى استشارني بالسهم عطيته العلم اللي دايم نجيبه...من بدء التداول وانا على المتابعه اليوميه كنت احذر من السهم(الكلام موجه للمضارب)...
وعلى فكره....
من زمان وانا اقول ان السهم هدفه 46 ولكن انا غير مسؤول عنك او عن غيرك انا اعطيك رأي وانت حر فيه.... كم واحد من الاخوان ارسلي على الخاص واستشارني بوضع السهم ورديت عليه ...
اخي الكريم....
سؤال :
لو شريت سهم بسعر 30 ريال ووصل الى 100 تبيع والا لا ؟؟؟؟؟
واذا نزل من 100 الى 60 تشتري والا لا؟؟؟؟
وارتفع من 60 الى 120 تبيع والا لا؟؟؟؟
ونزل نزلته الاخيره من 120 الى 80 تستثمر فيه والا لا ؟؟؟؟
لاتحمل غيرك اخطاءك و لاتتحسب على احد...
السهم استثماري بالدرجه الاولى والمساهم مع الاركان لاتكون نظرته ماتتعدى خشمه لازم تفكر للبعيد..
على كل حال الله يسامحك ويهديك...
وخذ هالمعلومه مني...
مشروع جده يحتاج الى زيادة راس مال وانت افهم من نفسك....
وقبل لاترد علي خذلك جوله على القوائم وركز على الاحتياطي القانوني..
|
بارك الله فيك يا ابو عبدالله ورايتك بيضاء
وانا والله يشهد سبق و أن إستشرتك عن السهم بالخاص ورديت علي رد يبرد وافي وكافي
والله يجزاك خير الجزاء
وبالنسبة لي انا وأعوذ بالله من قولة انا 90% من المحفضة دار الاركان والحمد لله في السراء والضراء ويمكن قريباً 100% مركنة ( يعني كل المحفضة دار الاركان )
والله يعين الي على الغبن صبار
والسلام عليكم ورحمة الله وبركاته