[سما نجد]

شفت بعيونك خير وصفات الاحـباب ******** وللي بعينك مختلف عن خوافيك
وسويت نفسك وافي لكل الاصحاب ******** وثرك خوي خايـن من يمــاشيك
كنت احسب لي عندك اليوم ترحاب ******** ويوم دخلت بدنيتك قلت مابيـك
مثل الطفل يلعب بلعبة ويوم طـاب ******** رماها خلفة وقال جيبو لي هاذيك
من دون ذنب جـنيتة صرنا اغـــراب ******** قهـرتني ياخـوي ربــي يجــازيـك
صرت بحياتي شمس ملزومة بغياب ******** يوم الخيــانة كــانت اول مــواريك
همي وحزني والشقـا والعـذاب ******** توني دريت انها يالخاين تسـليـك
عقــوبة الـله مــامنـــها مجــناب ******** انت اللي بادي ومعلن لي تحديك
ياصحبي قفيت وما قلت الاسباب ******** ولا قلت لي مبدا خطاك وتمـاديك
تركت فيك جرح والجرح ماطــاب ******** لين انقطع وصلك وحسك وطاريك

قصيدة مؤثرة الله لايحطنا بهالموقف