آه يـا مل عين مــا تنـام
كن فيها رمد والا هزوم
اسهر الليل من زود الغرام
واتقلب ماغير اقعد واقـوم
والله اني خطير من الهيام
اتلزًى علـى برد وسمـوم
اتحـذى من الناس العلام
صاحبي ما تجي منه العلوم
يا هل الخير ودوا له سلام
سلموا لي عليه اكبر لزوم
لا تفك اللحـام من اللحــام
اثر قلبك على الفرقا عزوم
كيف ابا انساك يا بدر التمام
جعل ربـي يـلوم اللي يلــوم
الذوايـب علـى حد الحزام
والردايف مثل شط الردوم
دام لي بالهوى شف ومرام
مااقبل الا انت بالدنيا عموم
غيرك البيض عشرتهن حرام
انت مثل القمر بين النجوم
وانت نور البلد عقب الظلام
وانت جنسك مع الناس امعدوم
|