[عقاب الخيل]

السؤال الكبير :
هل سيرتفع العقار أكثر من ذلك / مستحيل
ننتظر ونرى
ومن يقول ان العقار مستحيل ينزل / لا يدري
انا اكلمكم من عمارتنا بحي السلام / الوالد عليه رحمة الله وعلى اموات المسلمين / اشترى المتر ب 300 ريال في عام 1408 تقريبا بعد اشهر / كان السعر 150
والله اني كنت اذكر صديقه يمزح معه ويقول ( ابو سالم اشتر ارض ثانية
قال ابوي ليش / قال صديقه يمكن ينزل المتر الى 75
ويضحكون / وفالينها / لانهم يدرون انه رزق من الله
الحين في المنتدى هذا الواحد شاري له ارض في عريض بخمسين الف ريال / ويقاتل ما وده العقار ينزل / وكل اخوانه واهله ما يملكون شي / يعني بيعدم الناس كلها ويبيها تشتري غالي / عشان 50000 ريال
دايم اجي المنتدى واقرا وقليل استفيد .
يعني من سنتين وانا امر على مواقع العقار / بعطيكم اكثر شي اعجبني لعلي افيد :
1- واحد قال لا تفكرون العقار ينزل الا اذا وصل برميل النفط الى سبعين دولار / بشرط عدم تدخل الدولة
2- راقب مستوى الايجار اذا نزل فتراه اول مسمار في نعش العقار
( وبالعقل من راح يشتري عقار قيمته مليونين عشان يؤجر بمية الف )






بقى شيء مهم لا بد اقوله / حاولت ابحث واسال ليش انخفض العقار في عام 1408 ( ولست متاكد من السنة يمكن قبل )
اتوقع ان الدولة وزعت في احياء الدخل المحدود

ومن تجاربي ( بما اني فليتها وبديت اسولف) دخلت سوق الاسهم في البدايات مع ادراج الاتصالات السعودية / وكانت بيشة ب50 وما احد يشتري فيها ولا يبيع
انحشت من السوق يوم وصل 19 الف / بعت كل سهم عندي / لاني متوقع انهياره على 20000 نقطة
ولست مجنون كي اشتري علبة بيبسي بخمسين ريال وهي كانت قبل سنه بريال ( المثل للتشبيه )
بس المؤشر ما طاح واستمر واخترق العشرين الف
وندمت اشد الندم اني طلعت
وبعد ما طاح السوق / ما فرحت وتألمت مثل اللي ما باعوا
لاني رحت وشريت في بورصة ابو ظبي / وهي انهاررت مع السوق السعودي
الخلاصة ( رأي وأقوله لنفسي / لا تستعجل والصبر زين وباقي على الحلو دقه )
واشكر كل هوامير العقار الذين ينفون نزول العقار / ويصرون على انه سيرتفع / واستغرب لماذا يبيعون علينا طالما انه سيرتفع
اشكر للقارئ وقته واتمنى استفادته مني