[اشراقة قلم]

[grade="FF4500 2E8B57 008000 FF4500 2E8B57"]وحنا صغار ..
زرعنا في تراب الحلم ...حلم ويشبه العصفور ..!
لكن طااار !!
وكنا صغار ..
ويتفتّح صباح ٍ غارق بغيّه مثل تفتيحة الأزهار
ولا ندري متى نمنا ..!
وكم نمنا ..!
وش اللي صار !!
وصوت الوالد المرحوم : يالله قوم !
أمان ودمعة استغفار !!
وريحك يارغيف امي ..
سوالف هااااااادئه واشعار !!
وأتريق مع اخواني ..
وتتريّق عيوني وجه ابوي الدافي الحاني ..
واصك ّ ازرااار !!
وآخذ شنطة أحلامي على اكتافي ..
واصحّــي بخطوتي درب ٍ طويل ومظلم وغافي !!
وتصحى اسجار !!
واروح امشي لــ مدرستي ..
واناديها :
يامدرستي ..!
علامك ماتنفستي !؟
سوالف طفل ضحكاته أناشيد وغنا وامطار !
متى نرحل عن اسوارك ..
بعد ماكنـّا شطـّارك ..
نبي مره ولو مره نحسّ إنا غدينا كبار !!
هنا كانوا لي اصحابي ..
هنا ضاعوا مع العابي ..!
هنا ياكم نخبـّي من براءة فــ علبة الأسرار !
وصرنا مثل ماكنـّا إنتمنـّى !!
والغريب اشــ صار !!
رجعنا كبار نتمنى لو إنـّا بس بقينا صغار !![/grade]

[poem font="Simplified Arabic,5,seagreen,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]


.
.
.

شاعر أنا ياحنين الأمس محتاجك= أبغاك لامن طرقت الباب .. تفتح لي !


مشتاق والله كثير لراحة إزعاجك= مشتاق أحسـّك مثل ماكنت تفرح لي


ماتذكر الحلم يوم ينام بــ ادراجك= تعال فسـّر غيابه ليه !؟ واشرح لي !


مشتاق أداعب بحرك وألمس امواجك= مشتاق ألامس عميقك وانت تسبح لي


تعال واشعل بصمتي كلمة سراجك= تعال لكن إذا ماجيت لك ... رح لي !!


ماجيت أجمـّع جروحي قاصد احراجك= جيتك أببكي وابيك الحين تسمح لي !


بــ بكي على الناس والإحساس لاماجك= بــ بكي على الموت يوم إنه يلمـّح لي !


بــ بكي على الجوع والموجوع لاداجك= بــ بكي على الكون والمدفون في وحلي


بــ بكي على الروح والمجروح لاهاجك= بــ بكي على الحب يوم الحب لوّح لي !


يا خطوة الحلم نامي وسط ديباجك !=طرقت بابك .. ولابه ناس .. تفتح لي !!

.
.
.[/poem]



[grade="FF4500 2E8B57 FF7F50 2E8B57 FF4500"]واروح اشرب .!
هوى ذيك البراءة .. وابكي ..
و .. أهرب !

الشاعر /بركات الشمري[/grade]