أبسألك
أبسألك وش صار فيك بغيابي
أشتقت لي ولا على بالك أطري
ما يصير تنساني وتنسى عذابي
أكيد قلبك ما نسى الحب ادري
طيب وأعرفك تقتنع من عتابي
وأعاتبك لأنك من الناس عمري
حبك ترى لوينتهي ابتدا بي
عذري المحبة وانت للحب عذري
الشوق لوصالك حبيبي غدابي
وأتعبني فيك الصبر واتعبت صبري
لأني انا غيرك من الناس مابي
مادام حبك ساكن وسط صدري
+++++++++++++++++++++++++++++++++
إبْسـم عسى تبسـم حياتك
إبْسـم عسى تبسـم حياتك
يـا قايد الخـفرات و العين
عطـاك ربّي لك غنــاتك
واصبحْت سيدٍ في المزايين
هِنّيت يـا سيدي بـْصفـاتك
وانـا غني بك م المــلايين
كـل يوم بي تكبر غلاتك
والقاك دوم بْعيني تْـزين
من بالحسن سيدي شراتك؟
مثلك فلا قد شافت العين
الشّمس تخجـل من بهـاتك
و الـبدر لك بـانواره يْدين
مثل العسل منطق شفاتك
ذربٍ و مــوزون بْمــوازين
و الطّيب من أصلك و ذاتك
واضـح و لا يحتــاج تبيين
يـا سيّدي محلى سمــاتك
حسنٍ و طِيب و أصْلٍ و دين
فِقْت البشـر كلهـا بحلاتك
ما ظنّتي مخلوق من طين
|