الله من عبرتن بالصدر توذيني
مسجونةً بين سيف الهم وحرابه
اتعبت انا النفس في طرد المقفيني
ظنيتهم للهدى والرشد طلابه
يانفس خليك منهم كان توحيني
اعلنتها توبةً بـ كل الميادين
من صحبة اللي عسى الله يبعد ترابه
مالي بخوة ضعيف العقل والديني
لاصار مافيه خير وفوقه زلابه
ولالي بخوة ردي وفوقه دويني
لاصار هاذي طبوعه ويش انا ابغى به
ولالي بخوة بخيلً مايواسيني
لامن ضهدني زماني وكشر انيابه
شفي من الناس نسل اللي عريبيني
اللي على الطيب بيته يكرب اطنابه
اللي ليا من نخيته يعتزي فيني
ولامن طلبته عطاني لو هي ثيابه
حرً ولد حر في دينه على ديني
اللي على الخير دايم يشعب ركابه
وان مآحصل مانبي تكفين ياعيني
ويلي على شوفة محمد مع اصحابه
ويلي على بيتً بخضر البساتيني
من الذهب طوبته والمسك بترابه
يالله انا طالبك تغفر لي الشيني
والزين تقبله وتيسر لي اسبابه
ولامن جمعت البشر ثقل موازيني
ويمن كتابي ليا كلن خذا كتآبه