غرك زمانك لكن الوقت خداع ... يبي يجيلك يوم تشكي من أجروح
مادمت تسعى يا هوى البال لأطماع ... خلك على دربك وسعيك فيه اسموح
من باعني ما خطيت بعته كما باع ... واللي شرا نشريه وافديه بالروح
من أول يومٍ صافي ومطواع ... وأنا على شانك أعمر لك أصروح
واليوم ضاع الحب يا حبيبي ضاع .... وماني على لقياك يا زين مشفوح
نزعت الحب بالراح من بين الأضلاع ... حتى خيالك دم هاليوم مسفوح
الغدر طبعك كنت بالدور مبداع .... خدعتني والقلب في يديك مذبوح
مالك وفاء في الحب شديت لشراع .... على سفينة حب مع شخص مملوح