[أليا صهل]

الشاعر فهيد بن عويد المجماج من فطاحل الشعراء ولكن للأسف فقد الكثير من شعره ومن قصائده المشهور هذه القصيده التي يصف فيها نزول الباديه وترحالهم مع اماكن الربيع



لا والله اللي شـدوا البـدوا نجـاع
000000000وكـل هـدم مبنـاه وارتـد زملـه
شد الشديد وقوضوا عقب مجمـاع
00000000وراع الموده فـرق البعـد شملـه
شدوا ودنوا للحنـي كـل مطـواع
0000000كل اشحقن يعجبـك لاشـال حملـه
غدا لهم من دون الرفيعـه تمـزاع
00000000كل بغـا درب عـزل وانقسـم لـه
اقفوا كما نـوٍ نثـر مـاه وانـزاع
0000000برقه يرفرف والسـداء يرتـدم لـه
يابكرتاه اللي غدت بيـن الاقطـاع
0000000ويابعد دورتها على اللـي جهملـه
الهقوه انه لم يـم دخنـه بالاوقـاع
00000000والا مـع اللـي سنـدوا مستهملـه
ماهيب لاحـاش ولاهايـب مرجـاع
0000000عفراء فتاه وراعيـه مـا وسملـه
ياغصن مـوز ناعـم لـه تمريـاع
0000000منين ماهـب الهـواء مـال حملـه
راعي هدب عين مضاليل ووسـاع
000000خرس اعيونـه والمحاجيـر جملـه
عليه ماوقفـت اعيونـي بالادمـاع
00000هجس يلحقني على الطـول سملـه
اعوي اعواء ذيب ورى النزل لاجاع
0000000يقنب ليـن الله يجيـب اللحـم لـه
يامل قلب من هوىالزيـن ينصـاع
000000كمـا يصـوع الصيـد رام خطملـه
حبه يخج القلـب مايوجـع اوجـاع
0000000لاشك قلـي مودعـه بيـت نملـه


منقول