عرض مشاركة واحدة
قديم 27-12-2016, 12:21 AM   #157
الـريـس
متداول نشيط
 
تاريخ التسجيل: Mar 2013
المشاركات: 440

 
افتراضي

اخذيني اليا عجبتك بس ردــــــــــــــيني
وان ما عجبتك خلاص اخذيني ما ابيــــــــــــــــني



ما دامني شفت فيك الطهر والعفة
بعيف نفسي اليا منك كرهتيني


اخذيني لو اعتــــــــــبر من ضمن اشياءك
وانا بحـــــــــــبك ولا لازم تحبيني


لا ابي علاقة ولا ابي نظرة وبسمه
احساسي اني بقربك بس يكفيني


ولو اني انضفت لأشياءك غصـــــــب عنك
طلي علي يا غناتي لا تخلينــــــــــــي


تراي لاجاء المصامد ما ني بهين
تقول كن العرب لعبة بيديني


شخصيتي مـــــــــــــن غرابتها وطيبتها
كن الزمن في تـــــــــــــحدي بينه وبيني



اخذيني الشاعر اللي ما صدق حظه
لاقلت يا حظ وينك قال ياويني


اخذيني المبدع المتفـــــــــــــلسف ألتحف
هموم وتضحك على العالم شــــــــــــــياطيني



شهرة شكسبير وأفلاطون ونيوتن
لاقلت لي بيت شعر تطيح من عيني



واخذيني العنــــــــــــــصر اللي صدق متعنصر
من دون ربـــــــــــــــــــــعي لو اقطع شراييني



واخذيني اللي اليا منه طلب يعطى
وتكفين لامن طلبتك لاترديني



تكفين يا غايتي يابــــــــــــــــهجة الدنيا
ابحرق قلوب ناس ما تدانـــــــــــــــــــيني



اخذيني بكل شوق وقولي احبه
وان شككوا فيك والا في ضميني



قولي ســـــــــــــــعد والله انه غالي جدا
ويا جعل فدوه شــــــــــــــــبابي واخر سنيني



وانا بصدق كلامك واعتنز بالله
وباقول للناس ما يعنيك يعنيني



وانا علي نذر ما أرخــــــــــــــص جيتك
وانتي نذر على رقبتك انك ما تخــــــــــــليني


الـريـس غير متواجد حالياً   رد مع اقتباس