[ستاريتو]

كان الشاعر الكبير في أحد السجون وكان جالس في أحد الممرات وفي ذلك

الوقت مرت طفلة إسمها ( ريم وأمها ) داخلين لزيارة سجينهم ، وسمع الشاعر

صوت الأطفال فتذكر أبنائه فدمعت عينيه, فرأته ( ريم ) فقالت ريم لأمها :

( يمّه الرجال يبكي !! ،، فقالت أمها زاجرة : ريم اسكتي !!!!!!!!!!!!

عندها كتب الشاعر هذه القصيدة

[poem font="Simplified Arabic,7,black,bold,normal" bkcolor="white" bkimage="" border="none,6,black" type=0 line=1 align=center use=ex num="0,black"]
أبكي وعيني تسهر الليل يـا ريـم=مدري بلاها الشوق والا الظليمـه
يا ريم دمع العين مدري على الريم =والا على قلبـن تواكـل صميمـه
تقول لاطمني علـى نونهـا سيـم=أبكي وعندي لأزرق الدمع قيمـه
ويمكن يكون الدمع للعيـن تكريـم=ويمكن يكون إلها عذاب وحريمـه
والله يا لولا دمعتـن كنهـا الديـم =راحت ضلوعي من عذابي حطيمه
ودام البكا يا ريم ما فيـه تحريـم=يا عنك والله لأرخص الدمع شيمه
وابكي على حالي من الوجد وآهيم =لين الزمن يخلـف عليّـه نسيمـه
أبكي حياةٍ صافيه مـا بهـا غيـم =وين المحبـة والقلـوب السليمـه
أبكي قهر وابكي من الغبن والضيم=وابكي من طعونن بقلبـي قديمـه
غدر الزمن خلّى بوجهي مراسيـم=وما يذبح الرجال مثـل الهزيمـه
بعض المصايب شرها ياكل الهيـم =وشلون بكبود الرجـال الكريمـه
وبعض المصايب يخلفن المفاهيـم=تبغى على ما قيل صبر وعزيمـه
مظلوم بالدنيـا وغيـري مظاليـم=من عرض ناسن لبسوهم جريمـه
ما عاد أبي من سود الأيام تعليـم=عقب العذاب اللي كلاني جحيمـه
ولو تصفي الدنيا علـيّ الملازيـم =ما عاد أدور من وراهـا غنيمـه[/poem]


,,