الــــــــشــــاعـــــــــــــــــر** بديوي الوقداني العتيبي
ايامنا والليالي كم نعاتبها**********شبنا وشابن وعفنا بعض الاحوالي
تاعد مواعيد والجاهل يكذبها*********واللي عرف حدها من همها سالي
ليا صفت يوم مادامت مشاربها********تقبل وتقفي ولا دامت على حالي
ياما نظرنا وشفنا من عجايبها********واليوم الاول تراه اشوى من التالي
ايام في غلبها ويام نغلبها **********وايام فيها سوى والدهر ميالي
جربت الايام مثل من يجربها*********تجريب عاقل وذاق المر والحالي
كم علوم(ن) وكم اداب نكسبها******والشعر موزون مثقالن بمثقالي
اعرف حروف الهجاء بالرمز وكتبها******عاقل ومجنون حاوي كل الاشكالي
لاشك حظي ردي والروح متعبها******** مافادني كثر تأديبي مع امثالي
قومن لا جيتها رفت شوربها********* بالضحك واقلوبها فيها الردى جالي
وقومن لاجيتها صكت حواجبها ******* تبديلي البغض في مقفاي واقبالي
ماكني الا مسوي حال مغضبها******* والكل في عشرتي ماكر ودجالي
ياحيف تخفا امورن كنت حاسبها******واللي على بالهم كله على باللي
والروح وش عذرها في ترك واجبها******راح الحسب ونسب في جمع المواللي
المال يحيي رجالن لاحياة ابها*********كلغيث يحيي هشيم الدمدم البالي
عفت المنازل وروحي يوم اجنبها*******عنها غنيمه وفيها البعد اولالي
لاخير في ديرتن يشقى العزيز ابها*******يمشي مع الناس كله هم وذلالي
دارن بها الجوع دايم مايغايبها********والخوف فيها يجي في بعض الحوالي
جوعن سراحينها شبعن ثعالبها*******الكلب والهر يقدم كل ريبالي
عز الفتى راس ماله من مكاسبها ********يامرتضي الهون لاعزن ولا مالي
دللت بالروح لين ارخصت واجبها*******وانا عتيبي عريب الجد والخالي
قومن تدوس الافاعي مع عقاربها*****لهاعزايم تدوس الشامخ العالي
كب المنازل وقل للبين يندبها********يبكي عليها بدمع العين هطالي
لاتعمر الدار والقاله تخربها*********بيع الردى بالخساره واشتر الغالي
والناس اجانيب لين انك تقاربها*******تكون منها كما قالوا بالامثالي
والارض لله نمشي في مناكبها******والله يقدرلنا ارزاق واجالي
حث المطايا وشرقها وغربها*******وقطعبها كل فجن دارسن خالي
أطعن انحور الفيافي مع ترايبها****** وابعد عن الناس تمسي خالي البالي
مع كل عمليتن تقطع براكبها******** في دافد البيض درهامن وزرفالي
لو مت في ديرتن قفرن جوانبها*****فيها مواطي سباع القبس مدهالي
اخير من ديرتن يجفاك صاحبها****** فيما الجفى والتجافي والتحلالي
دس المخاطر ولا تخشي عواقبها*****الموت واحد ولا عند الحذر جالي
ان المنيه ليا مست مخالبها *******تدرك لو كنت في جو السماء عالي
ما فرت الاسد في عالي مراقبها******* تسعى للارزاق ماحنت للاشبالي
والشمس في برجها والغيم يحجبها******* تجفي وتقبل ولها في البرج مجدالي
رب السماوات يا مجري كواكبها********يا مجري السفن في لجات الاهوالي
ضاقتبي الارض وشتبت شبايبها*******والغيث محبوس يامعبود ياوالي
الله على مزنتن هبت هبايبها*******رعادها باتله في البحر زلزالي
ريح العوالي من المنشأ اجاذبها******جذب التلي من جبا مطيت الجالي
ديمومتن سبلت ورخت ذوايبها*******ونهل منها غزير الوبل همالي
تسقي ديارن عزيز القوم حاربها*****ماعاد فيها لبعض الناس منزالي
ياجاهل اسمع تماثيلن مرتبها********فيها معاني جميع القيل والقالي
شبه الدنانير تزها في قوالبها*******في صرفها زايدن عن قرش وريالي
يالله توبه وروحي لاتعذبها*********يوم القيامه لياقلت بها اعمالي
وصلاة ربي على المختار نوهبها*****شفيعنا يوم حشرن فيه الاهوالي
|