مبدعة اختي شراقة
تزاحم بالضمير هموم قلـبٍ حايـرٍ مكسـور
.......................ولا ينفع بقلـب المنكسـر كثـرة جبايرهـا
تلاطم بالضلوع العوج موجٍ عاتـيٍ وبحـور
.......................ولا من مركبٍ وشـراع يامـن ثـار ثايرهـا
أنا قلبي دليلي فـي زمـانٍ مدبـرٍ مسعـور
.......................كبيـرٍ مايهمـه لـو تحـاول بـه صغايرهـا
لي إحساسٍ يصور ما يحوم بداخلـي ويثـور
.......................صدوقٍ وأعذب الأشعار ما تصدق مشاعرهـا
ياليت الروح بحمول المصايب والعذاب تثـور
.......................دخيلك شيلها يا مـال ويـن اللـي يثورهـا
إذا بظفرك طرفت العين لا تدور على دكتـور
.......................ترى ما تحرق النيران غير اللـي يجاورهـا
أنا وقتي غدر بي مالحظـي بالزمـان عبـور
.......................سنينٍ يقطعه ما أقساه مـا ترحـم مسافرهـا
ناسٍ كنها تقضي حياتـه فـي وسـط تنَّـور
.......................ونـاسٍ مـادرت عنـا ولا ذاقـت مرايرهـا
أنا كلي عذر واللي شكا من هالزمـن معـذور
.......................وأنا أدري جرح روحي زاد من كثرة تعذرهـا
على الله كل شي يسير وأيام الزمـان تـدور
.......................متى تضحك لنا الدنيا عقب ما شان ناظرهـا
|