فقير حظ وممتلي امال واحلام
غني نفس وداخلي طفل مكسور
حساس جدا وابكي إن شفت الايتام
اضحك ولكن ضحكتي مالها شعور
انيق حزن وبيني وبين الايام
قصة ذبول وفقد وشعور منحور
لمت الزمن وإثر الزمن صعب ينلام
ولمت الليالي واثرها تتقن الدور
ياكسرة
الخاطر انا كيف بنام؟
وياخاطري المكسور والله معـذور
يالله عسى هالعام أفضل من العام
وافتح شبابيك الامل واحضن النور
انا تعبت وحظـي شفيه ماقام
حتى الفرح في داخلي شبه مغدور
لو الاماني تنزرع مثل الالغام
لازرع انا في داخلي لغم محذور
ابغى انفجر واتناثر اشلاء وحطام
وابغى اجتمع في داخل احضان بلور
ادري كبير الحلم والواقع اوهام
وادري يبور الوقت واحلامي تبور
طايح ومتعثر ومكسور الاقدام
لوي مشيت الحظ معثور معثور
ياكسرة
الخاطر انا كلي احلام
مير البلا حساس جدا ومكسور