بسم الله الرحمن الرحيم
يامل عين في محاجيرها شوك ...... والقلب به عن قلت النوم تكـــاك
لا دك في قلبي من الهم داكوك ......جاوبت طربات الحمايم على الراك
عزي لحالك ياعزيز وأنا أبوك ......كان الزمان اللي توطاني توطاك
إفهم وصاتي ياعزيز وأنا أبوك ......دامك صغير وغايه العلم يقراك
تراه ما ينفعك خالك ولا أخوك .....لا صار ماتقضي لزومك بيمناك
وربعك ليا بان الخلل فيك عافوك ....أقرب قريب من الناس يشناك
كنك سراج البيت للنور شبوك ....وإلى أنقضى اللازم حدا الربع طفاك
تراك لو تنجع على الربع صعلوك ....احسن من اللي نلتجي به وياطاك
إن طبت ما حبوك وإن عبت زالوك ...تمضي حياتك ناقلٍ داك بريــك
وإحلم على الجاهل تري الحلم مبروك ...وقم للضعيف اللي من الظيم ينخاك
وادمح خطأ جيران بيتك إلى أذوك ....ترى القصير وحرمة الجار بحماك
وقم للضيوف اللي لفوا لك وضافوك .... أغلى كرامتهم حجاجك وبشراك
وإعرف تراى مالك للأضياف مشروك ....لولاه يطلب حاجته منك ماجاك
وقم للرجال اللي رايعوا لك وحبوك ...وإحتشم خويك وإكرمه عند ملفاك
وصلاة ربي عد الأوراق والشوك .....أو ناض براقٍ وماهل سفاك
على الذي مافيه ريب ٍولا شكوك ..... محمـــد ٍ ما دك بالقـــلب دكـــاك