حظّي حلو دامك حبيبي افتخر يـاراس مالـي
كلّن حسدني والعواذل إن حكوا مـا ينتهـون..
وش لي بهم وش لك بهم في هرجهم مالك ومالي
لا لا يهمونـك فديتـك يالغـلا نـور العيـون..
سولف معي أفدى سواليفك وأبيهـا لـي لحالـي
مابي أحد غيري يشاركني وجـودك يالحنـون
والله أحبك حب جنوني مو طبيعي قـل خيالـي
فرحة حياتي لو عيوني مـع عيونـك يلتقـون
تشهق حروفي إن طروا أسمك وأحس كنّك قبالي
ياويل قلبي من غلاتـك وصلـه حـدّ الجنـون
أذكر بمرّه قلـت لـي إنّـك بحبّـي مـا تبالـي
طيّب عيونك من فراقـي ليـه دايـم يسهـرون
أعشق غرورك والتواضع في سمّوك والتعالـي
وأعشق بعد طيبك وإحساسك وفرحك والشجون
كلك على بعضك تجنّن فوق عادي شـي مثالـي
مالك شبيه في وصوفك والخلايـق يشهـدون..
ياللي وجودك نور يضوي في دجي سود الليالي
لا تبتعـد عنـي طلبتـك لا تخيـب هالظنـون