أبانشـــــدك ياســوق الأسهم وجاوب
قلي وش اللي صار خلف الكواليس
ضاعت دراهم تدخر من رواتب
واستوطنت صدري كثير الهواجيس
جيت أتغزل بك عوارض وشارب
أتخيلك ليلى وأنا عاشقك قيس
دخلت لك مثل المحارب محارب
ولقيت في حربي كبار الجواسيس
مابين نصاب وحرامي وكاذب
ماهم بشر لكن زمرة أباليس
لوحدهم من يستفيد المكاسب
محملين سلاح بأقوى متاريس
بنــــــوك وهيئة وقوة مضارب
ومواطن(ن)غلبان والحظ تنكيس
إن جيت أبيع أخاف وأقول(حاسب)
وإليا شريت أشري صنوف المناحيس
بأودعك ياسوق والوجه غاارب
بأسدد ديوني وأسافر (.............)
فايز الخربوش تحيه طيبه وتقبل منا هذه المشاركه المتواضعه