بـشـرّ الـلـي حــث رجـلـه كـــل لـيـلـه
لـلـمـسـاجـد قـــاصـــدٍ رب الــعــبــادي
فــي ظـــلام الـلـيـل خـطـواتـه دلـيـلـه
بـشــره بـالـنــور لانــــادى الـمـنــادي
مافعـل مـثـل النـفـوس الـلـي ثقيـلـه
وعـــن فـــروض الله مـــارده رقـــادي
ولاغواه ابليـس عـن درب الفضيلـه
الـصـلاة مــع الجمـاعـه خـيــر زادي
خايفٍ وقت الوعد ينقـص حصيلـه
يــــوم لايـنـفــع صــديــق ولامــعــادي
فــي نـهـارٍ ينـكـر الـعـاصـي خلـيـلـه
ويـتـنّــدم فــــي حـيـاتــه مـاسـتـفـادي
يـوم الأم عـن أبنهـا تصبـح ذهيلـه
والهـلـع والـخـوف صـايــر فـزديــادي
وقربـت شمـس النهـار بـقـدر ميـلـه
والعرق حسب الذنوب من العبادي
ويـتـنـكـر الابــــو وايــضــا الـخـلـيـلـه
والابــن مــن والـــده يـبـغـا الـبـعـادي
ولايفيـده حتـى اخـوه ابـن الفصيلـه
كــــلٍ بـنـفـسـه ومـشـغــول الــفــؤادي
وكــل واحــد اعـطـي كتـابـه يشـيـلـه
محـصـيً فـعـلـه ومـكـتـوب بـمــدادي
انكتـب فيـه الحسـن والـلـي جميـلـه
وانكـتـب فـيـه المعـاصـي والتـمـادي
مـــن خـــذه بـيـسـاره افـعـالـه رذيـلــه
ومـن هـو بيمنـاه قـد نــال الـمـرادي
والـعـصـاه مـــن الاوادم فـــي ملـيـلـه
نــارهــا تـشـعــل ولا فـيــهــا رمـــــادي
واهـــل الايـمــان فـــي ظــــلٍ ظـلـيـلـه
فـي سـرور وفـي نعيـم وفـي بـرادي
يـاكـريـم وكـــل مـسـلـم يـرتـجـي لـــه
اهـدنـا درب الـهـدي يـاخـيـر هـــادي
كانت هذه الابيات ,آخر حروف الشاعر متعب العتيبي ..
كتب الله له ولنا الهداية والرحمة والمغفرة
انتهت عقبها الكلمات .. وبقي صدى الكلمات
سبحان الله
كتبها بالامس .. ورحل عنا اليوم
ماأقصرها من رحله
رحلة الحياه ...
وترك لنا همسة اخيرة نتذكره بها ..
ونتمنى ان تكون في ميزان حسناته
ويبقى اثرها الطيب بالنفوس مدى الحياة ..
فتشهد له يوم الحساب الأكبر