الله من صبرٍ صبرته ولافاد=والصبر مرٍ اليا تعدى الحدودي
يوم اتذكر ديرتي دار الاجواد=اهل الشرف ومعربين الجدودي
ذكرتها بعد الرمايس والابعاد= وبدلتها بارضٍ عليها محدودي
واطول هجري بين عياد وعناد=ول ياعساها عشرةٍ ماتعودي
لاقلت صلوا زادوا الكفر بعناد=وانا ليا صليت قالوا سعودي
وانا اعترف بالحق مانيب جحاد=وموقعن بالعشر مبغى شهودي
انا سعوديٍ على روس الاشهاد=والي الشرف ياباردين الخدودي
هذي وطنا من على عصرالاجداد=مهبط وحي مادنسوها اليهودي
ارض العرب وارض الديانه والارشاد=وام العرب من يوم عاد وثمودي
|