يابنـت مـا كـل الخلايـق تشابـه
كـلٍ عطـاه الله منهـج وقـانـون
نـاس(ن) لهـم قـدرٍ كبيرومهابـه
وناس(ن)لا والله تتبع الهون بالهون
كم واحدٍ رزقـه يجـي حـد بابـه
واللي يبيه يجيه بالحفـظ والصـون
وكم واحدٍ يسعى بجـو(ن) سرابـه
يتعب به الطرقي ولو كـان دنـدون
تدرين ليـش يصيـر هـم وكآبـه
لان البشر يخطون لوكـان يـدرون
والا تـرى ربـي وسيـعٍ جنـابـه
والرزق عنده دائم الـدوم مضمـون
يابنت احـب وكـل درب(ن)مأهابـه
إلا الحرام ادخل على خالـق الكـون
احب حتـى انتـي وحبـي شرابـه
صافي على وضح النقاء ساطع اللون
الحر لو انـه سكـن فـي خرابـه
مرافقـه يسـوى ثمانيـن مليـون
واللاش نتـرك رفقتـه وش نبابـه
لو كان ماله زاد عن مـال قـارون
من لايحوش المرجله فـي شبابـه
ما حاشها بعد اعتماده على الشـون
|