بديت باسم اللي فرض حجت البيـــت
مره في عمر العبد كان استطاعــــــه
البارحه بالليل سهران ماامسـيـــــت
سبت اهموم شبت بقلبي اولاعـــــــــه
خمسة عشر عامأ مع العلم قضيــت
نسس ونبني للآمال المناعـــــــــــــه
ياما تعبت بوقتها انا وتشقيــــــــــــت
في وقتها اماالي طويل ارتفاعــــــــه
بعد استلامي للشهادة تهنيـــــــــــــت
قلت انبنى الآمال في ربع ساعـــــــه
قلت اتخير بالعمل كيف ماشيـــــــــت
ابغى عمل يرفع وسام الشجاعـــــــه
يللأسف ماجت على ماتمنيــــــــــــت
ماكنت اظن ان النهايه ضياعــــــــه
دورت يم العاصمه لين مليــــــــــــت
ورحت القصيم ورحت دار الصناعه
قال انت ياماجدعلينا ترى ابطيــــــت
توه انتهى التقديم من ربع ساعـــــه
روح الحويه كان بالعلم مااخطـــــيت
قالوا بها تقديم ويمكن اشاعــــــــــه
سمعت انا يافلان مدري وش اوحيت
مر المباحث مانت ناقص طماعــــه
جيت المقدم قال معروض خطيــــــت
اكتبلنا المعروض واحفظ ايداعــــه
طلب كشف طبي وانا منه عديـــــــت
عديت منه بكل سلم وبراعـــــــــــــه
قالوا تجيب برنت من حيث قطيــــــت
كرت البطاقه قلت سمعآ وطاعــــــه
قالوا تبصم ياولد خوف سويــــــــــت
سويت في الماضي عيوب وشناعه
رحت الأدله وبكف الابهام حطيـــــت
طبعت توقيع الانى من طباعــــــــه
سلمتها وقالوا من حيث ماجيــــــــت
باقيلها توقيع شيخ الجماعــــــــــه
كملتها يافلان والله ماخليــــــــــــــت
سلمتها للمنتدب في قطاعــــــــــــه
قالوا اكتب جوال ولا رقم بيــــــــــت
حتى اتصل فيكم لاتم اطلاعـــــــــه
بعد ثلاث ايام كلم ورديــــــــــــــــــت
قال اسمكم محذوف وتم امتناعــه
لاتسأل ليه ..من غير ليه <<< نصابه من عندها ذي
|