جتني جزال الشعر مثل المهاريب
وراعي حـرار الفكر نوخ ركابه
وأخذت فرخ (ن) يعجبك فالمطاليب
مافيــه جـزل طـار إلا وجــابه
وراحت مهاريب القصيده معاطـيب
وقامت قـوافي الشعر منه تهابه
ومن بعدها جينا وجبنا المكـاسيب
وبيت الشعر من دونا فك بـابه
ويا ناشد (ن) عني ترى اسمي الذيب
من روس قوم (ن) كل أبوهم ذيابه
ربعي إلا منه عوى الشيب لشيب
من دونـهم تـاقف عيـال الشـيابه
ربعي من وشيقر أهل المواجيب
عـدوهم من بعـدهم كـسر نـابه
ذباحت الحايل وحـرش العـراقيب
وقصيرهم يـدعـى على كل جابه
وصغيرهم يعجبك بكثر التراحيب
وكبيرهـم قــرم من أول شبابه
وفعـالهم تـذكر بـروس المـراقـيب
وكم شيخ قوم فعلهم قد حكابه
واسمي (النجيدي) ويدعوني الذيب
وفعالــنا تـشابه فعول الذيابه
__________________
** ألا بــــذكــر الله تطمئن القــلوب **
|