يسلموو اشراقه لسه باقي.... لانه عطلنا الذيب راح يدربي البراميل
دخليك لا تخليني ترا أن حبيت أنا / حبّيت
نصحتك لا تفرط بي ترا إن قفّيت ( إنساني )
أنا أحبك كبر هالكون و لكن لا نسيت / نسيت
أنا احبك و من غيرك يجي مثلك و يلقاني ؟!
احبك كل ما فاحت قوافي من عطور البيت
احبك كل ما طاحت من الأشواق قيفاني
احبك يا كبر حبك غلاك مثبتٍ تثبيت
احبك يا عسى قلبك يحن و شوف ألحاني
انا يالي كسر لجلك جَمَالٍ هزّني و صديت
انا ياللي خسر دنيا و ربي فداك أكواني
حقيقة يا عسى درب الفراق يجيبك إن مريت
و ضيقة تنفتح مني و المك شوق و أهواني
و أحس بدفوة أنفاسك تسابق عبرة التنهيت
و يدٍّ من جنون الشوق لفت كامل أحضاني
و أنا عهد علي أني أضمك داخلي لا بكيت
و أداري دمعتك و أمسح عيونٍ صابها اجناني
انا ما كان لي خاطر أهدّك فوق ما أنهديت
و لكن غلطتــك يومك تثير بحق بركاني
غرورك سبة جروحي و ظني إنك اتماديت
تزعزع هالثقه فيني أبدري ليه انا اعاني ؟!
انا فجّرت ما فيني و قلت الي أنا خبّيت
و لكن بعثرة فكري تلخبط دوم ألواني
تقول عني أشياءٍ تسبب داخلي تشتيت
تقول فيني طعونٍ كتمته لأجل وجداني
احبك قلتها لا نمت أحبك قلتها لا أوعيت
و لكن هالجفاف اللي يصوّر لك / تغشّاني
و انا طبعي كذا قمة عزيزه و داخلي عفريت
يصول أن كان ميداني يعزّز راي شيطاني
انا حبر الشعر و أطيب قصيده صغتها كبريت
على الحبلين ما ألعب كذا الرحمن سوّاني
و اذا يومٍ جزع قلبك و انا مقفي ما يكفي ليت
تعال إن كان بعيونك حنين و ضم أركاني
أنا قلت الوفا طبعي و لو إني عليك اقسيت
انا ما أخون و أستبدل خفوقي بواحدٍ ثآني
احبك يا سفينة جرح و كبرٍ ذآيعٍ بالصيت
و لكن صدق لو لديت / بأصد و عاااااااااد إلقاني
|