هذه القصيدة الرائعة للشاعر عبدالله بن سبيل أمير نفي
وكان عمعوم أحد رجال الملك عبدالعزيز رحمهم الله جميعا
في الطريق من الحجاز إلى الرياض
ومن كثر ما يسمع عن بن سبيل
حيث ذاع صيت بن سبيل وسمعته لدى الكثير من الرجال بكرمه وخلقه وبشاشته وبشعره
مر على قرية نفي لكي يرى من يكون يا ترى أبن سبيل!!
فدخل قرية نفي وفجأة قابل أمير نفي بن سبيل
فعرف بن سبيل عمعوم ... في حين عمعوم لم يعرفه
فقال بن سبيل حيا الله أبو علي "عمعوم"
وهذه الساعة المباركة اللي شفناك؟؟ تفضل معي
قال عمعوم يا هلا بك .. أنا جاي أبي أشوف بن سبيل ؟
قال بن سبيل تفضل وتقهوا عندي وتعش وأرقد عندنا اليوم
قال أنا أبي أشوف بن سبيل
قال مشينا للبيت ونتقهوى ... وبعدها نروح لأبن سبيل أو ناديه يجي لنا
راح عمعوم مع بن سبيل
واخذ بن سبيل يشب النار ويحمس القهوه ويدق النجر ويسولف
وطول الوقت وعمعوم يقول له وين بن سبيل ..
راح العصر والمغرب وجاب العشاء وتعشوا
وطول الوقت وعمعوم يقول له ضاع وقتي وأنا أبي أشوف بن سبيل
قال بن سبيل ... أنا رفيقك الذي تسال عنه!
فصعق عمعوم
وقال له ... من كثر ما أسمع عنك عن كرمك وعن شعرك
أحس أني أمام رجل عنده خدم ومتعالي على الناس
ولكن مارأيت من بساطتك وشبة النار بكسر دعر وبجله والقهوه عادية وأنت اللي تسويها
وشغلك عااادي وبدون تكلف
فقال بن سبيل رحمه الله هذه الأبيات
الله يا اللي سائله ما يمله.. يا منبت العشب الخضر بالرشاشي
تفرج لمن كنّه على صلوا ملّه.. متحيرٍ ضاقت عليه المواشي
لا ضاق صدري جبت نجرٍ ودله.. وسويت ما يطفي لهيبٍ بجاشي
وإن جا المسير عمس عندي دوىً له... فنجال ما سواه خطو الخداشي
بكرٍ على ليا جيت أزلّه.. يشبه خضاب مردوعات النقاشي
وان كثر هتّاش الخلا ما نمله.. حقً علينا فزة وأنبهاشي
يوم إن ولد اللاش يا قف بظله... كنه على درب المراجل يهاشي
ومعبرينٍ كل وقتٍ بحله.. نصبر على ما كاد والرزق ماشي
حينٍ هشيم وحين نوقد بجلة... ومرً نبهرها ومر بلاشي
ونوبٍ بيسر ونجمع الكيف كله... ونوب على الشامية أم الغشاشي
تعبي لضيفٍ عانيٍ من محله.. نمشي قصاد ولا نحب انتفاشي
نمشي قصاد ولا نحب انتفاشي ... يعني عايش بإقتصاد وروية ولا نحب التكبر والكبر