[نجدية]

احلى الصور صورة حبيبين عشـاق

لاصـارت بليـا دمـوع ومـواجـع
واحلى الصدف لاصارو بدرب الاشواق
ولاصار كل الشوق من قلـب نابـع
وابشع صورهم لاانخنق دمع بأحداق
عاشق يبي لقيا حبيبه وجـازع ..!!
هذا انا لاصرت لـك حيـل مشتـاق
وسيرت لك شوقي على الدرب ضايع
حسيت بالفرقى قبـل لايجـي فـراق
دامك تبـي الفرقـى تعـال نتـوادع
ضيقت صدري وكل هالكون بي ضاق
ماكنـت اظـن اخـر لقانـا مـوادع
ماعلمك صدقي معك كيـف تشتـاق
وماعلمك وشلـون يبنـى التواضـع
وماعلمك فرْح السما لحظة اشـراق
وحزن السما للشمس لحظة تـوادع
وشلون يبدا الفرْح يسكن بالاعمـاق
ويعلن شموخ الفـرح بأنـه تراجـع
يعني انتهينا وماحصل لحظـة عنـاق
وقلبي على جال الحزن صار خاضـع
تدري حبيبي مابقـى شـي ينطـاق
الا فراق ٍ صار من قلـب نابـع ..!!