هل هذي دعوة لي اني اكتب مذكراتي مثل غازي القصيبي؟؟
اولا وباديء كل ذي بدء احب ان اشكر كل من ساهم بوصولي الى هنا واخص بالشكر بابا وماما وطنط لولة وتيته مضيوي واحب ان اهنيء خادم الحرمين الشريفين بابا فهد بمرور 20 عام واطالب وبشدة بخفض سعر الحليب الى 5 ريال للترين زي اول....
(وييييييييييييييييين،،مضيعه الاخت):confused:
المهم الصراحه انا كنت مشرفه على منتديين-وكلهم واسعات الانتشار ومشهورات
[
الراتب؟؟
لعبوا علينا وقالوا لنا نبي نعطيكم تذاكر سنويه (الخرخير-نجران-راس ابو قميص)
ودبروا انفسكم بالرجعه
على النقل الجماعي-بس ورا مع الشناط
مع توفير مرطبات (برندا)+بسكوت ابو ولد..طيلة الرحله
ولكن طمعونا وماشفنا شي..
كيف يتم الترشيح؟؟
يشوفون اللي دايم منتص-وعلى قولة الاخ سمير-اللي فاضي يرد ولو رده على غير سنع
<----من دون ذكر اسماء
المزايا؟؟
والله مافيه مزايا الا
1- هالنجمة اللي تحت اسمي (مايعطونك اياه الا اذا صرت مشرف-وهذاي حطيته لي هنا وانا منيب مشرفه)
2-كسبت معرفة بعض الصديقات اللي اعزهم (مثل العنود)
اللي يحتكون بالمشرفات ايام يوم كانوا من الشعب ،، ويرسلون لهم رسايل خاصه ويقولون تكفيييين تكفييييين حاكينا...
همين تتنازل المشرفه ويتعرفون من صحيح عقبه ويتقابلون برا النت ..
ويطلعون يقربون لبعض
طررررررررم طرررررررررررررررررم<---موسيقى تشويقيه
3-دخول منتدى المشرفين -حركات ورخام ويعطوننا كابتشينو ودنيا وحش بالاعضاء ..يعني الواحد يحس انه مهم..
بعدين مركبين دجيتال هناك
عيوب الاشراف من خبرة حول سنتين من اشراف المنتديات
1- ان بعض المنتديات تضف هالبزارين باوقات فراغهم-فيجونك ماحفظوهم اهلهم ولاربوهم-يضطر المشرف يحفظ لهم وتعلمهم الادب
<---ياشديده انتي ياشديييييييييده
2- ان المشرف مضطر يرد على كل المواضيع-حتى السخيفه واللي ماعنده لها رد
حتى مايقعد يصايح صاحبها ويقول :-
وااااااااااء واااااااااااااء انتم ماتحبونني وتفرقون بين الاعضاء
خلاص خلاص اباصيح-اباروح لمنتدى ثاني واخليكم
3-لابد للمشرفه انه توفر معها عدد واحد (خيزرانه) علشان تلولش على ظهور الاعضاء المغازلجيه -
اللي يحسبون المشرفه فاتحه دكان تستقبل عروض وتقول بس ارسلوا لي رسايل والا اكتبوا بي قصايد
ولابد ان يكون صاحب المنتدى متفهم لهالشي-علشان اي واحد يضايق المشرفه ويحرجها قدام العالم ....تشطب عضويته على طول..
<-----شريررررررررره ياناااااااااااااس
4-لابد ان يكون المقص جاهز 24 ساعه-
خصوصا اذا كان المنتدى مثل اللي انا كنت اشرف عليه-كل شوي نازل موضوع وطابعه الخرابيط والهبال وموب جدي
لانه فيه ناس فاهمين النت غلط-وينزلون اشياء تبين ان عيالنا بعضهم يبغى لهم من يشيل عنهم النت...
5-لابد للمشرف انه يكون وسييييييييع صدر,,
يعني اذا حذف موضوع سخيف والا مكرر..يتحمل مايجيه من اهانات ..ويسوي نفسه ينكت مع العضو المتشره قدام الناس وروحه رياضيه
وهو لو يلقاه بالظلماء كان صفقه ولصقه بالجدار
بالاخير قررت انه مايسوى غثاه..
وقررت اصير من الشعب-واطلع اسجل بمنتديات ثانيه-اشم هواء واشوف الناس
وسويت لي قروب مراسلات بريديه رهيب مره -والحين نجح وصار عندي فوق ال 2000 عضو
<---تقص عليكم قصة نجاحه
(ياحظتس)