[أليا صهل]

يالله ياللي سجد وجهي.. لمرضـــــاته
يسـجد لوجـهـه ولا يسجـد لـحد غيـــره

وسبحان من انزل القــرآن وآيــــاتــه
وسبحـان مـــن ارسل المختار بالسـيـره
يارب تغــــــفر لعبـدك كـل زلا تــه
يامن تكفلت فـي رزقـه وتقــديره
ياخـــالق الكون يامحصـي مــداراته
الكـون كله بحكمـك.. وانتـــه أديـره
رحمتك هي مبتغى عبـدك وغايـاتـه
اســـألك يالله مـن نيرانـك تـجيــره
وابليس.. يالله جنبـنـا متاهـــاتـه
ويالله تجعـل لنا مـن امرنا خيــره
وقت تغــير وشانت معظم اوقـاته
مما يشـوف الرجـل يحتار .. تفكيـــره
ياكثــر ماغــرت الجهــال ساعاتـه
وياكثر ماخذت بهـم لفــه وتدويـــره
تضحـك بعـقـله وتسلب كل طاقاته
وتعطيـه مع جملة الجهـال تخد يـره
تنـسيه ربـه.. وينــسى كل عـاداتـه
وينسى حقوق,,الخوي,, والضيف,, والجيره
جيـل تميع في قصـاته وموضاته
لبسه غريـب (ومفتح كل ازاريـــره)
ماتفرق (الـورع) لاشفـته من اخواته
وياشينها لاتخكرى وهو // ولد ديــره
الجنز ضيـق على مـــــــوخر (.......)
والسـلسـله والمنـاكر في اضــافيــره
واقصى هدف ينشده تحقيق شهواته
ماهمـه اكبر عــدد يحتـاج توفـيره

تشبيـه للغرب تصديـق لدعايـاته
اللي على جيلنا قـد بان تأثيــره
ماعاصر الجـوع ماجرب معاناته
ماشاف عصر الشقى ماشاف تكديره
ويـن العيال النشاما ؟ ذكـرهم هاته
اللي ينومسك في صمتـه وتعبـيـره
اللي على طاعـة الله كـل حـــزاته
وقته وعمره لرب الكـون تسخيـره
سلـم عليه وعلى مثله وشـــرواته
ذكر النشاما ولامـع ميـت الغيره
وصلاة رب السما وازكى تحياته
على نبيه محمـد طيـب السـيـــره