ياعين شيهان الجبال المطاليق
ترفرف الجنحان بجبال حائل
شيهانةٍ ما جودتها المسابيق
وحش ولاركزت بوسط النثايل
من شافها مايبلع بحلقه الريق
مزيونةٍ تضفي عليها الجدايل
ياتل قلبي تل باقصى المعاليق
تلة رشا الضميان وسط القوايل
على التي لفراقها ماقدر اطيق
اللي سباني بالعيون الظلايل
تضيع بوصوفه جميع العشاشيق
ووصله صعيبٍ في جميع الوسائل
خلي ماهو من اهل العقول المطافيق
عقله رزين من البنات الثقايل
|