عتب على صاحب
ماتوقعتك على اللي ماهقيته
لين شفت الصد من يمك لفالي
ولاهقيت البعد لو انك قويته
ولا هقيت انك تودعنا بالعجالي
كيف فينا يالخوي انته نويته
كيف تقطع في اتصالك والوصالي
كنت احسبك مثل اخويه لانخيته
يحتزم لي ساعةٍ فيها جدالي
وكنت احسبك مثل من ذاع صيته
بالمراجل محتوٍ كل الخصالي
صاحبك من بعد ماعزك نسيته
واحسافة رفقة أيامٍ خوالي
يوم انا اعطيك كل اللي بغيته
لجل عينك مرخصٍ لك كل غالي
|