عرض مشاركة واحدة
قديم 28-10-2006, 09:21 AM   #41
ضميان حبك"
فريق المتابعة اليومية
 
تاريخ التسجيل: Mar 2006
المشاركات: 1,885

 
افتراضي ينساب

يــــــــــــــنــــــــــــــســـــــــــــــاب





دخلت التـداول وهـزة السـوق ينسـاب
طـاح المؤشـر وإبتـلـش كــل هـامـور



عقب التباهي بطفرة السـوق بإعجـاب
قـــدام عـيـنـه روح الـسـهـم بـحــدور



كم من غشيـمٍ طـاح لـو جـاب ماجـاب
جمـع خشـاشٍ وأصبـح اليـوم مقهـور



واللي دخل إنعـاش بالضغـط منصـاب
ماينفعـه لــو شــاف عشـريـن دكـتـور



واللـي رهـن البـيـت للبـنـك بحـسـاب
وعـلـى رداة الـحـظ مـاهـو بـمـعـذور



زودٍ عـلــى بــلــواه يـتـلـيـه طــــلاب
ملـزوم يسـدد فايـض الـديـن مجـبـور



مـن يطلـب الأرزاق يأخـذ بالأسـبـاب
وكثر الطمع يذهب هل الرأي والشور



واللـي قنـع بمقـسـوم رزقــه مـاخـاب
عايـش حياتـه خالـي الـبـال مـسـرور



الـفـقـر مـايـعـذرب كـريــمٍ إلـيـاطـاب
يضحـك حجاجـه مقـدمٍ كــل ميـسـور
ضميان حبك" غير متواجد حالياً   رد مع اقتباس