مساء الجورى والكادى ❤❤❤. والحب والإحساس
قصيده جديده أتمنى تنال القليل من رضـاكم
يانور عيني لا
تغار وتضايق ❤❤. والله مابه شخص بالكون يسواك
لاتشعل بقلبك هموم وحرايق ❤❤ً ارفق بقلبك يا عسى الله يرعاك
مابينا حب وغرام وثاايق ❤❤ والوصل واجب يابعد من تمناك
لك في حشاي وسط قلبي حدايق ❤❤ تلقى بها شفك وكيفك ومشهاك
القلب مع حضرتك يازين رايق. ❤❤ دقاته تغني حبيبي لعيناااك
حسنك تميز بين كل الخلايق ❤❤ محدن يجي جنبك وياصل حلاياك
والله مابه شخص بالكون لايق ❤❤يسكن بقلبي غيرك أنته ويزهاك
أذن حبيبي لا تسبب عوايق ❤❤مابيني وبينك عسى الكون يفداك
أني أحبك حب فايق وفايق ❤❤ ارموش من ترمش عيونه ليا جاك
حبن يصور لي بكل الطرايق ❤❤ً. إني ملكتك ياحبيبي من اقصاك
وأنته تزيد من الحقايق حقايق ❤❤ لا قلت ياخلي وش انا بليااك
يانور عيني كان منته بطايق ❤❤ً اسمع كلام اللي يحبك ويهواك
الوقت في طلتك كنه دقايق ❤❤ وفي غيبتك ممشاك لاقفيت بخطاك