والله بعد اللي صار لي مع اكتتاب زيادة رأس مال أسمنت العربية معاد عندي ثقة في البنك ولا الهيئة ولا شركة تداول .بدت قصتي يوم اكتتبت بزيادة رأس مال اسمنت العربية عن طريق البنك اللي محفظتي فيه وهو بنك الراجحي لم تنزل الاسهم في المحفظة وكل يوم أقول اليوم ولاشفت شي المهم اليوم رحت للبنك قلت أماردوا فلوسي والاعطوني اسهم قالو اصبر شوي نبي نكلم على الادارة العامة ونرد عليك كلموا قالو خصص له مئتين سهم بس نزلت في البنك العربي قلت للموظف أنا مالي علاقة في البنك العربي ولاعني حساب عندهم .قلت الله يعين رحت للبنك العربي قالو مالك شي عندنا أصلا ماشاركنا في الاكتتاب ارجع للبنك رجعت للبيت كلمت دعم تداول الاسهم قال كلم الشركة كلمت الشركة قالوا لازم تكلم تداول كلمت شركة تداول قالو عطنا السجل المدني عطيتهم أياه قال هاذي الاسهم نزلت عند البنك العربي قلت وش وداها لهم قالوا العلم وماجاك وعطوني رقم المحفظة رحت للبنك العربي قال لازم علشان تقدر تبيع تفتح حساب ثم تفتح حساب استثماري ثم تقدر تبيع ويبي لها أسبوع علشان نفعل المحفظة يعني معانات لها أول مالها أخر والله العظيم هذا اللي صار لي وش الرأي أنا طفشان مع كل حهة أسهم خسران مساهمة عقارية منهوبة قرض يخصم قبل ماينزل الراتب التوقيع مواطن مغلوب على امره
|