ياصاح انا قلبي من الحب مجروح
جرح عطيب مالقى له مداوي
لو ينشرى قربه شريناه بالروح
ميرالبلا شوفه غدا به هقاوي
اهل دمع فوق الا وجان مسفوح
على الذي ماهوب للغدر ناوي
انا ادري انه مثلي اليوم مطروح
لاشك مايقوى ولاني بقاوي
لولاي اداري سر الا حباب لابوح
وابيع بيعات الهبيل الفداوي
لكني اجحد فيه عن كل مفضوح
خوف عليه من الحكي والدعاوي
حسبي على اللي حط في الدرب ساموح
العاذل اللي جر كل البلاي
من اول باب المواصيل مفتوح
يوم ان عذال الموده خلاوي
واليوم سد الباب لوح على لوح
وامسيت انا ياصاح قلبي شقاوي
|