اجمل ماقيل في شعر الحكمه
هذي قصيده مشهوره للشاعر الكبير لويحان رحمه الله
شعر مثل يا فاهمين التماثيل ---- كل يجي شعره بحسب اقتداره
من عاش ينظر بالسنين المقابيل--- يذوق من عقب البروده حراره
الطيب يخلق مع قلوب الرجاجيل -- ماهوب في بنك التجاره تجاره
والرزق من عند الولي بالتساهيل --- ماهوب بالقوه ولا بالشطاره
من عاش في حيله وكذب وتهاويل-- ياسرع من عقب الطلوع انحداره
والشور ماينفع قلوب المهابيل ---- كالزند وان حرك تطاير شراره
لو تامره بالعدل يعرض عن الميل --- بتل على رايه برح وخساره
والطبع ماينزال غيره بتبديل ---- مثل الجدي مرساه ليله نهاره
والحنظله لو هي على شاطي النيل -- زادت مرارتها القديمه مراره
هذا مثل يافاهمين التماثيل --- كل يجي شعره بحسب اقتداره
رحم الله الشاعر رحمه واسعه
|