ان رحت شـرق الارض ولاّ تغرّبـت *****و ان طفت من فوق السّحب و الغمامه
و اذا سريـت الليل..خفيـه و سبّبـت*****هـمّ الذّيابـه فالـسّـرى و القـرامـه
و اذا تعنّيـت المديـنـه..و طلّـبـت******و غيّرت وضع "السيف" فوق الحزامـه
و اخترت لك رفقه و صحبه و صاحبت*****ونسيـت منهـو علّمـوك الشّهـامـه
و ان طالت الغيبه..و غبت..و تهرّبـت*******فـي موقفـك..لازم تزيـد المـلامـه
ياللـي غيابـك كلّـه همـوم ٍ و كبـت*******زود ٍ عـلـى ذلك..تـزيـد النّـدامـه
أنت الذي حددت..و رميت..و صبـت*******و أرّثـت فينـي خلّتـي و الهشـامـه
فكري /تدمّر/.. و المعانـاه /جرّبـت/******و الهـمّ فـوق الغـمّ..زاااد إلتحامـه
و اذا بعدت و قمت تجْفى..و حاربـت******و تركتني فـي درب زايـد /حطامـه
وان كنت عن دربي نحيـت و تجنّبـت*******حشى..حشـى لله مـالـك سـلامـه
ان كنت سامعني..ترا اليـوم حاسبـت******نفسي..و هـي تفـداك لـو ببتسامـه
ما دامك أنت اللـي بالقلــب تصلّبـت*******الاوّلي..مـا قبـلـك الا (الكـرامـــــه)
قد قالها "هـادي" و أنـا عنـه سرّبـت******"الجرح يبْـرى غيـر تبْقـى علامـه"
و الله و أقسم لك قسم..عنه مـا تبـت*******أنّـك بقلْبـي لـك مـقـام الزّعـامـه
