قالو حبيبك يسـمع الشعر قلت إيـه ( ) يقراه بعيوني قبل تسمــــــــــــــــعونه
لولاه حتى طاري الشعر مـــــــابيه ( ) مير اكتبه من شان خاطر عيـــــــونه
هو روح شعري وامنياته وماضيه ( ) جذع الشجر وش كان لولا اغصـونه
اكتب لغيره والقصايد تجي فـــــــيه ( ) كن القصايد حالفه ماتخـــــــــــــــونه
هذاك لامنه زعل قمت اهــــــــاديه ( ) حتى وهو مخطي تعـــــــــــذرت دونه
يمكن لوانه يلمس الجرح بيـــــديه ( ) يستغرب ان اللي لمسها طعــــــــونه
ابطى وهو غايب وزلت حــــراويه ( ) وأنا من العام اتحرى مـــــــــــــزونه
هو مادرى اني في غيابه محــاتيه ( ) ليته نشد عن حالي اللي يجـــــــــونه
وقلبي اللي توه افلت عــــــــراويه ( ) كيف انسرق وضلوع صدري حصونه
عجزت ارده كن ماني بـــــــراعيه ( ) يوم انتثر شوقه وهاضت اشـــــجونه
يبسن عروقه لكن اللي يعـــــــزيه ( ) ان اكثر العالم تردد لحـــــــــــــــــونه
خافوا من الله لاتجيبون طــــــاريه ( ) لاصرت انا موجود لاتذكــــــــــــرونه
لو كل غالي جابه الله لغــــــــــاليه ( ) ماشفت لك مخلوق تبكي عيـــــــونه
|