[أليا صهل]

حي الله اللي خذا قلبي وخلاني
وانا حياتي وروحي كلها لأجله

لو يدري بكثر شوقي يوم يجفاتي
حبا على الارض لو ماشلته رجله

مايغتره اني عليه التعاع واعاني
لكن على الصد ياشينه وياعجله

عين الزعل ماتناظر فيه من داني
وعين الغلا ف ازدحام الناس تدرج له

محبته جاريه في دم شرياني
مثل مايجري الفرات ولاجرى دجلة

احبه بصمت لكن ويش دراني
تعبت اعني خيول الشوق واسرج له

ماضيع القلب في شوفه وعناني
ياكود حب البرد واشفاهه ونجله

ليت الشعور اللي ب قلبي على لساني
ماكان شفت الجروح الناقعة هجله

غلاه من عند ربي شي رباني
حتى شعوري اليا من شفته ارتجله

ياحبني له ويالبيه لاجاني
يضيع كل الحكي في عيونه الخجلة

حتى تفكارته زعلان بالعاني
فدينها لو دقايق شوفته عجله

الحب ماله مسمى اول وثاني
الحب لذة شعور ارواحنا الوجله

لاشفت حبه تمثنى القلب واحياني
عرفت انا ويش قلبي عايش لأجله