ابنتخي يهل الشعر هاتوا أبيات
اهموم قلبـي ضيعت زين قافي
كم واحدٍ لامات..لا..مات/مامات
يحيا بجوفي لو عيونـي غوافي
قلبي دواة الحبر دنوا سجلات
وخـذوا مداد أقلامكـم دمِّ صافي
وين الفحل يبني بيوتٍ عظيمات
يرمي حِزن شعره بقلبي جزافي
كم شاعرٍ يكتب من الشعر جزلات
وافي .. وإلى وصلـ..ـالحبيبه ما يافي
هيهات.. ياللي تكتب الشعر..هيهات
تنسج حروفٍ من غلاها خوافي
امي .. وتحت اقدامها خير جنات
حلـوة لبن حضنـه رحيمٍٍ.. ودافي
كم ليلةٍ عافت من النوم ساعات
واللي على رجله يعيش بعوافي
حفظت ريحه قبل حفظ التحيات
ومن هبة النسمه عليّه تخافي
ربي كرمها ..والمرض فيهِ ويلات
ويلات طالت ..والصبر صار ضافي
شيعتها من فوق كتفي بحسرات
امشي حزن وأقدام رجلي حوافي
صفيت من فوق اللحد سبع لبنات
واسقيت طين القبر دمعٍ إزلافي
اقفي بخطوه وارجع بعشر خطوات
والناس من حولي معزي ولأفي
ادعي اله الخلق رب السماوات
تَلْقِينها الحجة على شان تافي
ونّس إلهي وحدتـه تحتِ طيات
طيـات قبـره ..بالقبـر لا تخافي
والبر ياربي عسى اليوم ما فات
ارزقني بره واضحٍ .. وإلا خافي
ويأهل الشعر مهما بنيتوا من أبيات
تهفـي بيـوت الشعر ما قلت كافي
وأختامها صلوا على خير من مات
الرحمة المهـدات .. بالخيـر وافي