[أليا صهل]

طال الطويل ويقطع الصبـر لاطـال
00000000000كانـه يـورّد صاحبـه للهوايــل
القلب دفتر والقلـم بالحشـا سـال
00000000والجرح ينزف والحشايـف علايـل
أكتب من جروحي علـى دفتـر الآل
000000000وأصوغ قيفانـي طـروق ومثايـل
هم(ن) يورّدنـي مشاريـه وجـدال
00000000وهم(ن) يرقّيني بـروس الطوايـل
والهاجس اللي كل ماجـاك يختـال
000000000فتحت له قوس الضلـوع النحايـل
آخذ معه سجّـه ورحلـه ومنـزال
00000000وأعطيه من طيبي فعـول وجمايـل
وأفتح معه سيرة صناديـد وأبطـال
0000000000ذياب بـن غانـم وسالـم ووايـل
وأقوله ياهاجسـي شـوف الأفعـال
00000000ماتموت دام الفعـل وافـي وطايـل
الزيـر مـات وفعلـه اليـوم لازال
000000000ماغبّتـه طـول السنيـن الرحايـل
وذياب شف فعله على مر الأجيـال
0000000فعل(ن) ثبت ذكره ولاهـوب زايـل
وكليب مات وخلّـد افعولـه اطـلال
000000000ماتنمحـي بيـن العـرب والقبايـل
لكن؟! شفني ياأبيض الوجه رجّـال
00000000وافـي ولاعمـري تبعـت الهزايـل
لكـن مالـي غيـر ترديـد الآمـال
00000000ومتن(ن) يشيل الكايـدة والثقايـل
يالهاجس الضيقة من الجال للجـال
000000000زفرتهـا عبـره وجتنـي تهـايـل
دمعه وأخبيها عن أعيـون الأنـذال
000000000من خوفـي الأنـذال تلقـى دلايـل
من ضيقة(ن) بالصدر والخلق والبال
0000000000أكنّهـا لـو كنـت للحمـل شايـل
ياهاجسي والنـاس راحـل ونـزّال
00000000والوقت مايرحـم عيـال الحمايـل
ياكثر ربعي في الرخـاء والتمهّـال
0000000000وياقلّـهـم لازاد وقـتـي مـلايـل
المال هو ربعـك الا 000المـال
0000000000كانـه يمهّـد للرخـوم الفعـايـل
حسبي على الحاجه ولو كانت ريال
000000وحسبي على الحظ الردي كان مايل

للشاعر المبدع : محمد بن مسلّم
منقول